Жақындарыңыздың, әйеліңіздің (немесе күйеуіңіздің) өзіне өзі сөйлеп жүргенін көрген боларсыз? Немесе өзіңіз солай істейтін шығарсыз? Өз-өзіне сөйлеу нені білдіреді? Кейбіреулер өздігінен сөйлеп жүрген адамды көрсе «мынаған не болған» деп ойлайды. Сол дұрыс па?

Негізінен, әлемнің барлық данышпандары осындай әдетке ие. Поэзия мен әдебиет – біреудің ішкі монологы.

Өз-өзіне, көбінесе әйелдер сөйлеп жүреді. Мысалы, бірнәрсе істеп жатқанда шаруалары тым көбейіп кетсе өздеріне: «мына тірлікті істеймін, содан соң анау, содан соң кір жуамын» деп істеуі керек нәрселерін ретке келтіріп алады. Ол әйелдердің ойын жинақтап, жұмыстарын тез аяқтауына көмектеседі. Өз-өзіне бұйрық бере отырып жұмысын жылдам әрі тиянақты орындайды.

Психологтар өз-өзіне сөйлеу пайдалы екендігін айтады. Ол ешқандай да ақыл-естің ауытқуының нышаны емес дейді. Керісінше, адам өз-өзіне сөйлеп жан-жаққа шашыраған ойларын жинақтайды, өзін-өзі тыныштандырады, эмоцияларын ретке келтіреді.

Сондықтан, әйеліңіз өзімен өзі сөйлеп жүрсе, оған таңырқай қарамаңыз немесе «саған не болды?» деп шошымаңыз! Себебі олар дауыстап ойланады.


Notice: compact(): Undefined variable: limits in /var/www/vhosts/blog.madeniportal.kz/httpdocs/wp-includes/class-wp-comment-query.php on line 853

Notice: compact(): Undefined variable: groupby in /var/www/vhosts/blog.madeniportal.kz/httpdocs/wp-includes/class-wp-comment-query.php on line 853

ЖАУАП ҚАЛДЫРУ

Please enter your comment!
Please enter your name here