Сайра мәңгі тоты құс

             Аяулы Алтын, асыл Алтын,

             Жүзің жылы, жаның жас.

             Қандай жақсы осы қалпың,

             Қадірменді қарындас.

             Өлең жаздым мақтап бүгін,

             Қарындасты өзіңдей,

             Ләйлім шырақ, Ақтоқтының

             Тірі жүрген көзіндей.

             Әке жолын, ата даңқын,

             Жалғап бүгін  ән айтқан

             Мағжандардың махаббатын

             Сендей қыздар оятқан.

             Сен алтынның сынығысың

             Және де өзің Алтынсың,

   .         Шын сырласқан, шын ұғысып,

             Ақ жүректі жарқынсың.

             Туған жердің төсіндегі,

             Тауға шыққан бір шынар,

              Сағындырған Есіл желі,

             Қиялыңда жүр шығар…

             Ораласың  өз еліңе

             Алатаудан ән салып,

             Орманыңа, өзеніңе

             Тағы да бір тамсанып.

             Шырқашы сен, бүгін Алтын,

             Шығып елдің алдына,

             Көптен көрмей туған халқың,

             Шын сағынып қалды ма?..

             Қайнарынан қанып ішіп,

             Ақын сырын жасырмас,

             Туған жерге сағынышың,

             Ән айтпасаң басылмас.

             Қанат қағып ұшарыңда,

             Ән салмасаң – өкініш….

             Туған жердің құшағында

             Сайра мәңгі тоты құс!

                                   Ақын Серік Тұрғынбеков

                                                   


Notice: compact(): Undefined variable: limits in /var/www/vhosts/blog.madeniportal.kz/httpdocs/wp-includes/class-wp-comment-query.php on line 853

Notice: compact(): Undefined variable: groupby in /var/www/vhosts/blog.madeniportal.kz/httpdocs/wp-includes/class-wp-comment-query.php on line 853

ЖАУАП ҚАЛДЫРУ

Please enter your comment!
Please enter your name here